Në pritje të fillimit të ngjarjeve për zhvillimin e edicionit të ardhshëm të festivalit Evropian, Eurovision Song Contest 2018, i cili do të mbahet në 8,10 & 12 Maj 2018 në Lisbonë, ne kemi vendosur që t'ju flasim pak rreth ngjarjeve që ndodhin javë për javë, në muajt e qetë të verës.
Do të jetë Lisbona, qyteti mikpritës për edicionin e ardhshëm e festivalit Evropian. Kështu është vendosur nga grupi organizues në bashkpuim me Radio Tv Publik Portugez, RTP. Pas një "beteje" mes katër qyteteve portugeze, u vendos që mikpritja dhe zhvillimi i Eurovisionit në Portugali, të jetë një detyrë për arnën MEO e cila ndodhet në kryeqytetin e Portugalisë. Megjithëse publikimi zyrtar i lajmit u bë nëpërmjet një konference për shtyp vetëm të martën e kaluar, ky vendim nuk ishte ndonjë surprizë, pasi Lisbona ishte rekomanduar nga autoritetet e EBU-së (Bashkimi Evropian i Radio-Televizioneve). Madje edhe ne, kur kemi folur për organizimin e edicionit të ardhshëm, kemi folur për Libonën dhe arenën MEO.
Në konferencën për shtyp javën e kaluar, RTP shpalli edhe datat për zhvillimin e netëve gjysëmfinale dhe asaj finale, të cilat do të jenë 8,10 & 12 Maj 2018.
Menjëherë pas shpalljes së datave, çmimet e hoteleve në Lisbonë si edhe fluturimeve kundrejt Lisbonës, janë ngjitur në një mënyrë të rrufeshme, pasi interesimi për të ndjekur Eurovisionin nga salla, pritet që të jetë më i madh se vitet e tjera.
Pas shpalljes së datave për zhvillimin e Eurovisionit, u shpall edhe data e zhvillimit të koncertit promovues "Eurovision in Concert 2018", i cili mbledh shumë prej pjesmarrësve për një koncert në Amsterdam. Grupi organizues ka nisur punën për të gjetur dhe siguruar sponsorët, sallën e koncertit, lokalet për takimin e artistëve me gazetarët, prezantuesit e koncertit, e duke vijuar më pas edhe me ftesat për artistët që do të marrin pjesë në festivalin Evropian.
Ky koncert, i cili vitin e ardhshëm do të festojë edicionin e 10-të të tij, do të mbahet në Amsterdam të shtunën e 14 Prillit 2018, pra përpara më pak se një muaji përpara natës finale të festivalit Evropian.
Artistët pjesmarrës për Shqipërinë, nuk i kanë munguar në asnjë edicion në këtë event promovues. Këtë vit, ishte Lindita ajo e cila bëri mjaft lajm në këtë koncert, pasi ajo nuk pranoi që të këndonte playback.
Ndërsa përpara zhvillimit të koncertit, i cili këtë vit u mbajt në sallën e Melkweg, ne patëm mundësinë që të takonim disa artistë të tjerë pjesmarrës, të cilët kishin një mesazh për këngëtaren Shqiptare.
Bëhet e ditur se artisti malazez Slavko Kalezic do të bëjë audicion përpara, Louis Walsh, Nicole Scherzinger, Sharon Osbourne & Simon Cowell, të cilët janë gjyqtarët e edicionit të ardhshëm të spektaklit Britanik X-Factor UK 2017.
Edicioni i këtij vit, i cili është edhe sezoni i 14-të i tij, nis këtë muaj dhe transmetohet në ITV.
Për Slavkon, kjo nuk është hera e parë e cila ai konkuron në këtë format, pasi ai ka marrë pjesë edhe në edicionin e parë të X-Factor Adria, ku konkurrentët dhe gjyqtarët ishin nga vendet ish-jugosllave.
Rona Nishliu, këngëtarja që prezantoi denjësisht Shqipërinë në festivalin Evropian, e kemi parë të shplodhet nëpër disa nga vendet turistike të jugut. Në fotografitë e shumta të saj në instagram, nuk mungojnë pamjet mbreslënëse, siç i quan këngëtarja, të monumenteve të mbetura nga teatri i Bylisit si edhe disa pamje nga Përmeti. Këngëtarja, e cila njihet dhe vlerësohet jo vetëm nga publiku Shqiptar por edhe ai i huaj, konsiderohet si një nga artistet që gjithmonë kanë promovuar dhe vazhdojnë të jenë promovuese të turizmit të çdo krahine shqiptare në Ballkan.