Amsterdam 2015, kështu kemi vendosur ta quajmë këtë dokumentar të shkurtër i cili përmbledh një intervistë të shkurtër me Elhaida Danin, e cila mori pjesë në edicionin e 7-të të koncertit "Eurovision in Concert 2015".
Më në fund ne patëm rastin që të flasim me Elhaidën, të cilës ne i drejtuam disa nga pyetjet që ju kishit dërguar.
Për arsye kohore, na u desh që këtë intervistë ta linim përgjysëm, por me premtimin për ta vazhduar në Vienë në muajin Maj.
Elhaida interpretoi këngën e saj në këtë koncert, ku ishin të ftuar edhe 23 vende të tjera pjesmarrëse në Eurovizion së bashku me Shqipërinë. Eurovision Albania e publikoi videon e këtij interpretimi vetëm disa minuta më pas, shpresojmë që t'ju ketë pëlqyer.
Pjesmarrësit shqiptar nuk i kanë munguar këtij koncerti asnjëherë, që nga fillimi i tij në vitin 2009.
Ky koncert zhvillohet nga fansat e Eurovizionit në Mbretërinë e Vendeve të Ulëta dhe ne i dërgojmë atyre, sidomos Z.René Romkes) një falenderim të madh për ftesën dhe organizimin.
Gjithashtu një falenderim i veçantë shkon për të gjithë pjesmarrësit në koncert dhe në këtë dokumentar të shkurtër dhe të gjithë ndjekësve tanë, që dërguat pyetje shumë interesante.
JU FALEMNDERIT
Stafi i Eurovision Albania