• Roni Klein

Zbulohen emrat e prezantuesve të koncertit promovues "Eurovision in Concert 2018"



Risi: Koncerti do të zhvillohet në Sallën e koncerteve AFAS (njohur më parë si Holli i Muzikës Heineken). Kjo sallë koncertesh, ka një kapacitet prej rreth 5.000 spektatorësh.

Edhe pse jemi ende më shumë se 6 muaj, përpara zhvillimit të edicionit të ardhshëm të koncertit promovues "Eurovision in Concert 2018", grupi i punës për këtë koncert sapo ka bërë publike emrat e dy prezantuesve të edicionit të ardhshëm, i cili vjen në edicionin e 10-të të tij.

Ata do të jenë, këngëtarja dhe njëkohësisht ish-përfaqsuesja holandeze në Eurovision në vitet 1998 & 2007, Edsilia Rombley, si edhe komentatori holandez Cornald Maas.

Kjo nuk është hera e parë për Edsilia Rombley dhe Cornald Maas, në rolin e drejtuesve të koncertit, i cili do të zhvillohet më 14 Prill 2018 në Amsterdam.

Këtë vit, koncerti pati një rekord artistësh pjesmarrës, duke e kthyer këtë koncert në eventin më të rëndësishëm promovues, përpara fillimit të festivalit Evropian.

Grupi i punës, me në krye Z.Romkes, premtojnë se koncerti jubile, do të rezervojë mjaft surpriza. Së shpejti, do të publikohen edhe data për shitjen e biletave si edhe mjaft detaje të tjera, të cilat kanë të bëjnë me koncertin. Biletat për koncertin e këtij viti, në të cilin mori pjesë edhe Lindita, u shitën në një kohë mjaft të shkurtër.

#ESC2018 #Amsterdam #EurovisionPreParties

Copyrights ©2017/2021  www.eurovision.al

This site was designed with the
.com
website builder. Create your website today.
Start Now